Տիրանոզավրի հագուստներով երեք անձինք հայտնվել են ամերիկյան MSNBC հեռուստաալիքի ուղիղ եթերում՝ ուրախացնելով Twitter-ի օգտատերերին։
Եթերի հոլովակը հայտնել է Twitter-ում ալիքի պաշտոնական էջում։ «Այն պահը, երբ երեք տիրանոզավրեր ներխուժում են Հեյլի Ջեքսոնի ուղիղ եթերը»,- ասվում է մեկնաբանության մեջ։
Տեսանյութում Հեյլի Ջեքսոնը Սպիտակ տանը փորձագետի հետ քննարկում է հարկային բարեփոխումը։ Այդ ընթացքում երեք անձինք են հայտնվում ետին պլանում եւ կռիվ են բեմադրում։ Ոչ հաղորդավարը, ոչ փորձագետը ուշադրություն չեն դարձնում կադրում կատարվողին։
@HallieJackson reporting live from Jurassic Park pic.twitter.com/L4wj23xg0R
— Leo Ruiz (@ProducerLeo) 28 декабря 2017 г.
Twitter-ի օգտատերերը բուռն ուրախությամբ են արձագանքել միջադեպին։
«Չեմ կարողանում չնայել եւ բուռն չծիծաղել»,- գրում է Ջինա Դին։
«Նորությունների լավագույն ետին ֆոնը ողջ պատմության ընթացքում»,- գրել է մեկ ուրիշը։
Ինքը՝ Ջեքսոնը ավելի ուշ է արձագանքել եւ գրել Twitter-ում՝ «Լավ է, որ ալիգատորներ չէին»։
The Palm Beach Post-ի փոխանցմամբ, տիրանոզավրերով հատվածը բեմադրված է եղել տեղի չորս բնակիչների կողմից։ Նրանցից երեքը հայտնվել են կադրում, իսկ չորրորդը հեռախոսով դիտել է MSNBC-ի եթերը եւ ուղղորդել «տիրանոզավրերին»։