Իրանի տարբեր քաղաքներում բողոքի ակցիաներ են ընթանում։ Թեհրանում ակցիաների երրորդ օրը կայացել է հակակառավարական հանրահավաք ուսանողների մասնակցությամբ, հաղորդում է AFP-ն։
Նշվում է, որ ուսանողները բախումների են մասնակցե ոստիկանների հետ, կառավարությանը քննադատող կարգախոսներ են վանկարկել։
Fars գործակալությունը ցուցարարների թիվը նշում է 50-70 մարդ։ ԶԼՄ-ների տվյալներով, նախորդ օրերի բողոքների համեմատ, երբ մասնակիցները դժգոհում էին տնտեսական իրավիճակից, վերջին հակակառավարական ակցիան քաղաքական մոտիվներ է ունեցել։ Ակցիայի մասնակիցները դժգոհել են, որ կառավարությունը մեծ միջոցներ է հատկացնում Մերձավոր Արեւելքում իրանամետ խմբավորումների աջակցությանը՝ փոխանակ այդ գումարները ներդնի երկրի զարգացման մեջ։
Հանրահավաքը ճնշելու համար մոբիլիզացվել են ռազմականացված ոստիկանական ստորաբաժանումներ։
Իրանի տարբեր քաղաքներում բողոքի ակցիաները սկսվել են դեկտեմբերի 28-ին։
