Կալիֆոռնիացի փրանքերը (անգլ. pranker - կատակարար) ձերբակալվել է 911 ծառայության կեղծ կանչի համար, ինչը հանգեցրել էր նրան, որ ոստիկանության աշխատակիցը սպանել է Կանզասի անզեն բնակչի, հաղորդում է Americaru-ն:
25 ամյա Թայլեր Բարրիսը, որը կասկածվում էր Էնդրյու Ֆինչի մահվան պատճառ դարձած ոստիկանությանը կեղծ ահազանգ տալու համար, ձերբակալվել է ուրբաթ օրը:
Բարրիսի ողբերգական կատակը, որը հայտնի է որպես swatting, մեծ տարածում է գտել առցանց խաղացողների շրջանում. որեւէ մեկը շարունակվող բռնի հանցագործության մասին պատմություն է կազմում՝ ոստիկանության զանգվածային ուշադրությունը գրավելու համար: Նմանատիպ կատակներով զվարճանում են հիմնականում Call of Duty խաղի սրահարները:
Ֆինչը սպանվել է հինգշաբթի երեկոյան, երբ Բարրիսը ոստիկանությանը հայտնել էր, որ գնդակահարել է իր հորը եւ պատանդ վերցրել մորն ու կրտսեր եղբորը:
«Ես կրակել եմ նրա գլխին, եւ նա այլեւս չի շնչում, - ասել է Բարրիսը արված ահազանգի ժամանակ, - Ես կարող էի ուղղակի բենզին լցնել ամբողջ տան մեջ, ուղղակի այրել ամեն ինչ»: Հետո Բարրիսը ոստիկաններին հայտնել է Ֆինչի հասցեն:
«Փրանքերի պատճառով մենք այժմ անմեղ զոհ ունենք», - երեկ երեկոյան մամուլի ասուլիսի ժամանակ ասել է ոստիկանության պետի տեղական Թրոյ Լիվինգսթոնը:
Ահազանգից հետո ստիկանությունը պատրաստ վիճակում վայրկենապես ժամանել է նշված հասցեով: Երբ ոչինչ չկասկածող, անզեն Ֆինչը մոտեցել է դռանը, ոստիկանները սկսել են բղավել, որպեսզի նա վայր դնի զենքը: Ըստ ոստիկանության՝ շփոթված Ֆինչը ձեռքը գոտուն է տարել, եւ ոստիկանությունը, վախենալով, որ վերջինս զենք է հանում, կրակել է նրա ուղղությամբ:
