Եվրամիությունը հետեւում է Իրանում անցկացվող ցույցերին, որոնց ընթացքում առնվազն 10 մարդ է զոհվել: Կառույցն այդ հարցով մշտական կապի մեջ է երկրի իշխանությունների հետ: Այս մասին հայտարարել է ԵՄ դիվանագիտության ղեկավար Ֆեդերիկա Մոգերինիի պաշտոնական ներկայացուցիչ Քաթրին Ռեյը, հաղորդում է ՌԻԱ Նովոստին:
«Մենք կապի մեջ ենք իրանական իշխանությունների հետ: Ակնկալում ենք, որ նախագահ (Հասան) Ռոհանիի հրապարակային հայտարարությունների հետ կապված խաղաղ ցույցերի եւ խոսքի ազատության իրավունքը կերաշխավորվի»,- Twitter-ում գրել է Ռեյը:
Իրանի խոշոր քաղաքներում, այդ թվում՝ Թեհրանում, Մեշհեդում, Սպահանում եւ Ռեշտում դեկտեմբերի 28-ից սոցիալական բողոքի ցույցեր են անցկացվում: Իրանի նախագահ Հասան Ռոհանին հայտարարել է, որ ցույցերի պատճառը երկրի ներքին խնդիրներն են, որոնք հրահրում են նաեւ այլ երկրներ:
Տեղական լրատվամիջոցների տեղեկացմամբ՝ Իրանում ցույցերի ընթացքում 12 մարդ է զոհվել:
