Ինը մարդ է զոհվել Իրանում անվտանգության ուժերի հետ ցուցարարների բախումների հետեւանքով, զոհերի ընդհանուր քանակը հասել է 20-ի, հայտնում է Ասոշիեյթիդ Փրես գործակալությունը՝ վկայակոչելով իրանական պետական հեռուստաալիքը։

Գործակալությունը նշում է, որ վեց մարդ է զոհվել Կահդարիջան քաղաքում ոստիկանական բաժանմունքի վրա հարձակման ժամանակ, որտեղ ցուցարարները փորձել էին զենք գողանալ։ Հոմեյնիշեհր քաղաքում զոհվել է 11-ամյա տղա ու 20-ամյա տղամարդ, իսկ Նեջեֆաբադ քաղաքում՝ Իսլամական հեղափոխության պահակների կորպուսի անդամներից մեկը, հայտնում է ՌԻԱ Նովոստին։