Բիթքոինը հակասում է իսլամի նորմերին: «Բիթքոինի ապօրինի վաճառքի մասին» համապատասխան ֆեթվա է հրապարակել Եգիպտոսի գերագույն մուֆթի Շավքի Ալլամը, փոխանցում է Middle East Eye-ը:
Նրա պարզաբանմամբ՝ կրիպտոարժույթի վաճառքը չի թույլատրվում, քանի որ Եգիպտոսի կառավարությունն այն չի օրինականացրել: «Բիթքոինը կարող է վնաս հասցնել երկրի սոցիալական եւ տնտեսական անվտանգությանը»,- նշված է Եգիպտոսի Գերագույն կրոնական ինստիտուտի հայտարարության մեջ:
Մուֆթիի խորհրդական Մահդի Աշուրը հայտարարել է, որ այս արժույթն «օգտագործվում է ահաբեկիչների ուղղակի ֆինանսավորման համար»՝ նշելով, որ դրանով գործարքները կարող են տնտեսությանը վնաս հասցնել:
