Citroen ընկերությունը ներկայացրել է հեչբեքի հատուկ C3 տարբերակը։ Նոր հեչբեքի նախագծմանը մասնակցել է Elle ֆրանսիական ամսագիրը, հաղորդում է Autonews.ru-ն։
Citroen C3 Elle-ն ունի սպիտակ երանգի թափք, տանիքը ավազագույն է, արտաքին հայելիները սեւ շրջանակներով եւ վարդագույն տարրերով, այդ թվում՝ հակամառախուղային լուսարձակները։ Առաջնային դռներին հայտնի ամսագրի պատկերանիշներն են։ Սրահի առաջնային մասը ստացել է վարդագույն եզրավորում, իսկ նստատեղերը մոխրագույն են։
Մեքենան հագեցած է ConnectedCAM համակարգով՝ փոքրիկ դիմային տեսախցիկով, սրահում տեղադրված հայելիով։ Համակարգը ունակ է լայնակի նկարահանում իրականացնել եւ ավտոմատ պահպանել տեսանյութը բախման դեպքում՝ կատարելով տեսագրանցման գործառույթ։ Բացի այդ, վարողը կարող է երթը լուսանկարել եւ լուսանկարը տեղադրել սոցիալական ցանցերում մուլտիմեդիայի համալիրի միջոցով։
Citroen C3 Elle ներառում է նաեւ տեղեկատվական-զվարճանքի համակարգ յոթ դույմ սենսորային էկրանով եւ արբանյակային նավիգացիայով, ինչպես նաեւ դիմացից բախման նախազգուշացման, ավտոմատ արգելակման եւ շարքերով երթեւեկության հսկման համակարգ։