Հայ համայնքը հունվարի 5-ին Գլենդելի երկու հիվանդանոցներում տոնել է Սուրբ Ծնունդը:
Հայ Առաքելական եկեղեցու Արեւմտյան թեմի առաջնորդ Մուշեղ Մարտիրոսյանը եւ այլ հոգեւորականներ հիվանդանոցներից մեկում անգլերեն եւ հայերեն լեզվով աղոթքներ են կարդացել, հաղորդում է «Լոս Անջելես թայմսը»:
Գլենդելի քաղաքապետ Վարդան Կարապետյանը եւ սենատոր Էնթոնի Պորտանտինոն միացել են հիվանդանոցի աշխատակիցներին եւ ղեկավարներին:
«Որպես հայկական համայնքը ներկայացնող կաթոլիկ, ես սիրում եմ Սուրբ Ծնունդը երկու անգամ տոնել: Ինձ համար մեծ պատիվ է ներկայացնել նման վառ եւ հոգեւոր համայնք», - ասել է սենատորը:
Մյուս հիվանդանոցում նման արարողություն է անցկացրել արքեպիսկոպոս Հովնան Դերդերյանը: Արարողությանը ներկա էին Գլենդելի խորհրդի անդամ Փոլ Դեվայնը եւ Վրեժ Աղաջանյանը, ինչպես նաեւ քաղաքապետ Կարապետյանը:
