Իրանի ներկայացուցիչները եւ ԵՄ երեք երկրները մտադիր են խորհրդակցական հանդիպում անցկացնել Իրանի միջուկային ծրագրի վերաբերյալ համաձայնագրի շուրջ: Այս մասին հայտարարել է Իրանի արտգործնախարար Ջավադ Զարիֆը, փոխանցում է IRNA գործակալությունը:
Զարիֆի խոսքով՝ հանդիպումը նվիրված կլինի Միացյալ Նահանգների՝ Համատեղ համապարփակ գործողությունների ծրագրի հանդեպ ապակառուցողական քաղաքականությանը:
Հանդիպման հնարավոր օրը եւ վայրը դեռ չեն նշվում:
Հիշեցնենք, որ 2015 թվականի հուլիսի 14-ին Իրանը եւ միջազգային միջնորդների «վեցնյակը»(Ռուսաստան, ԱՄՆ, Մեծ Բրիտանիա, Չինաստան, Ֆրանսիա եւ Գերմանիա) պատմական համաձայնագիր էին կնքել Իրանի ատոմի երկար տարիների խնդրի լուծման վեաբերյալ. ընդունվել էր Համատեղ համապարփակ գործողությունների ծրագիր (VHAP), որի իրագործումը հանում էր Իրանի նկատմամբ ՄԱԿ-ի Անվտանգության խորհրդի, ԱՄՆ-ի եւ Եվրամիության կողմից նախկինում ընդունված տնտեսական եւ ֆինանսական պատժամիջոցները:
Նշենք նաեւ, որ ԱՄՆ ներկայիս վարչակազմը խստորեն քննադատում է այդ համաձայնագիրը եւ սպառնում է դուրս գալ դրանից` այն անվանելով «ամենավատ գործարքը» Միացյալ նահանգների համար: