Չինաստանում BBC-ի բյուրոյի ղեկավար Քերի Գրեյսին որոշել է թողնել զբաղեցրած պաշտոնը: Այս որոշումը նա բացատրել է տղամարդկանց եւ կանանց աշխատավարձերի անհավասարությամբ, հաղորդում է BBC- ն: Լրագրողը կմնա կորպորացիայում եւ կվերադառնա իր նախկին աշխատանքին հեռուստատեսային նորությունների խմբագրությունում:
Գրեյսին իր բլոգում բաց նամակ է հրապարակել՝ պատմելով, որ որ BBC-ում 30 տարի աշխատելուց հետո բախվել է կորպորացիայի հանդեպ «վստահության ճգնաժամի» խնդրին:
«BBC-ն պատկանում է ձեզ՝ լիցենզիայի համար վճարողներին: Կարծում եմ՝ դուք իրավունք ունեք իմանալ, որ կորպորացիան խախտում է հավասարության մասին օրենքը եւ հակադրվում է ճնշմանը, որը գործադրվում է արդար եւ թափանցիկ վարձատրության համար», - գրել է Գրիսը:
Նա մանրամասնել է, որ 2017 թվականի հուլիսին BBC-ն տվյալներ էր հրապարակել իր աշխատակիցների աշխատավարձերի մասին, որոնք տարեկան ավելի քան 150 հազար ֆունտ ստեռլինգ են ստանում (203,3 հազար դոլար): Ինչպես հայտնել է Գրեյսին, նա «հայտնաբերել է», որ BBC-ում որպես միջազգային բյուրոյի ղեկավար աշխատող երկու տղամարդ «առնվազն 50% ավել է» ստանում, քան նմանատիպ պաշտոններ զբաղեցնող իր երկու կին գործընկերները:
