News
Լրահոս
News
Ուրբաթ
Մարտ 29
Տեսնել լրահոսը

Հայաստանում ներքին սպառողները ստիպված են շատ ավելին վճարել առաջին անհրաժեշտության ապրանքների եւ կոմունալ ծառայությունների համար, քան տարածաշրջանի այլ երկրներում կամ նույնիսկ Եվրոպայում: Նման կարծիք հունվարի 9-ին լրագրողների հետ հանդիպման ժամանակ հայտնեց «Հայոց համազգային շարժում» (ՀՀՇ) կուսակցության վարչության անդամ Հովհաննես Իգիթյանը:

Վերջինիս խոսքով՝  դա պայմանավորված է նրանով, որ Հայաստանում կոմունալ ծառայությունների սակագները կոռումպացված եւ արհեստականորեն բարձրացված են:

«Այս իրավիճակը Հայաստանին ոչ գրավիչ է դարձնում օտարերկրյա ներդրողների համար, ընդ որում, վերջին երկու տարիների ընթացքում հանրապետությունում ոչ միայն ներդրումներն են կրճատվել, այլ նաեւ՝ կապիտալի արտահոսքը, քանի որ հայ ձեռնարկատերերը չեն ցանկանում ներդրումներ կատարել իրենց երկրում»,- նշեց Իգիթյանը:

Ըստ ընդդիմադիր գործչի` Հայաստանի սպառողական շուկայում եւ կոմունալ ոլորտում գների կոռումպացվածությունը իր հատուկ պատճառն ունի, որին ավելի վաղ անուղղակի կերպով ակնարկել էր երկրի նախագահ Սերժ Սարգսյանը: «Նա նշել էր, որ ներկայիս կառավարությունը ձեւավորվել է մեկ նպատակով՝ արդյունավետ կառավարման ստեղծման: Սա տերմին է, որը լայնորեն կիրառվում է գործարար ոլորտում եւ նշանակում է ծախսերի օպտիմալացում, ինչն էլ իր հերթին ենթադրում է հաստիքների կրճատում», - բացատրեց Հովհաննես Իգիթյանը:

Մինչդեռ ներկայիս կառավարության քայլերը, շարունակեց նա, որեւէ կապ չունեն պետությանը բնորոշ աշխատանքի հետ, քանի որ կառավարման մեջ բիզնեսի սկզբունքների կիրառումը անընդունելի է: «Բյուջեի համալրման հետ մեկտեղ պետությունը պետք է այլ խնդիրներ եւս լուծի՝ սոցիալական, ժողովրդագրական, մշակութային, ներդրումային: Ընդ որում, չի կարելի լուծել այս խնդիրները քաղաքացիների վրա ֆինանսական բեռի մեծացման հաշվին», - ընդգծեց ՀՀՇ անդամը:

Հովհաննես Իգիթյանի կանխատեսումներով՝ 2018 թվականին եւ հետագայում Հայաստանում գնաճային ճնշումները կավելանան: Հայաստանի իշխանությունները, ի լրումն նրան, որ չեն ձգտում վերացնել ներքին սուբյեկտիվ գործոնները, նաեւ չեն պաշտպանում ներքին շուկան արտաքին օբյեկտիվ գործոններից՝ ո՛չ քաղաքական, ո՛չ տնտեսական առումով: Միեւնույն ժամանակ, արտաքին գործոնները, մասնավորապես՝ հակառուսական պատժամիջոցները եւ ԵՏՄ շրջանակներում արտոնյալ մաքսային ժամկետի ավարտը, անխուսափելիորեն կազդեն գների վրա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել
ՀՀ նշյալ օրենքների պահանջով նա պետք է իրականացներ բացառապես այդ ծրագրի շրջանակներում տեղավորվող ներքին և արտաքին քաղաքական ուղեգիծ…
«Փաստ». Պատվավոր հյուպատոսների ավտոմեքենաներին հատկացվելու են «H» տառը պարունակող կարմիր հիմնագույնի համարանիշեր
Որոշման 2-րդ հավելվածի 28-29-րդ կետերի համաձայն՝ ՀՀ-ում հավատարմագրված դիվանագիտական...
«Հրապարակ». ՔՊ-ականներն այլեւս առաջվանը չեն. նրանց սիրտը վախ է ընկել
Ընդ որում՝ տուժողներն առաջին հերթին իրենք են լինելու, ոչ թե իշխանության վերին էշելոնի ներկայացուցիչները...
«Փաստ». Հասարակության վրա փորձում է վախ ծախել
Այ, գնաց Գյումրի, երկարաշունչ ելույթ ունեցավ իր կուսակցության «նախաձեռնող խմբի» հետ հանդիպման...
«Հրապարակ». Փաշինյանը զարմացել է, որ ժողովուրդն այսքան տարի իրենց հանդուրժում է
ՔՊ-ում տարբեր մեկնաբանություններ են տվել այդ արտահայտությանը, որ երեւի նկատի ունի այն, որ հեղափոխական...
«Ժողովուրդ».«Ամիօ բանկ»-ը վերաբրենդավորումից հետո սկսել է ֆիզիկական և իրավաբանական անձանց հարկադիր սնանկացման գործընթաց
«Ժողովուրդ» օրաթերթը դատական տեղեկատվական համակարգից տեղեկացավ, որ նոր անվանափոխված «Ամիօ»...
Ամենաշատ