Հայաստանում օբյեկտիվ եւ սուբյեկտիվ պատճառներով գնաճի ազդեցությունը չափազանց բացասական է: Այս մասին NEWS.am-ի հետ զրույցում ասել է Երեւանի պետական համալսարանի տնտեսագիտության եւ կառավարման ֆակուլտետի պրոֆեսոր, «Ծառուկյան» դաշինքի պատգամավոր Վարդան Բոստանջյանը:
Նրա խոսքով՝ ԵՏՄ նոր Մաքսային օրենսգրքի ուժի մեջ մտնելուց հետո որոշ ապրանքատեսակների, ներառյալ առաջին անհրաժեշտության ապրանքների գները, անխուսափելիորեն կբարձրանան, ինչը հետագայում կհանգեցնի Հայաստանում սպառման նվազմանը:
«Մինչդեռ գնաճը բոլոր ժամանակների տնտեսության անբաժանելի մասն է, սակայն դրա տեմպերը չպետք է գերազանցեն բնակչության եկամուտների աճին եւ այդպիսով բացասական ազդեցություն ունենան», - նշել է տնտեսագետը:
Ստեղծված հանգամանքներում, ըստ նրա, կառավարությունը պարտավոր է միջոցներ ձեռնարկել գնաճի ճնշումները փոխհատուցելու համար, մասնավորապես` ակտիվ աշխատել նոր աշխատատեղերի ստեղծման եւ բնակչության եկամուտների ավելացման ուղղությամբ:
Հիշեցնենք, որ 2018 թվականի սկիզբը Հայաստանում նշանավորվեց սպառողական շուկայում գների բարձրացման ալիքով, ինչը սպասելի էր նոր Հարկային օրենսգրքի եւ ԵՏՄ Մաքսային օրենսգրքի ուժի մեջ մտնելուց հետո, որը Հայաստանի համար երկամյա արտոնյալ ժամկետի ավարտի կապակցությամբ նախատեսում է նոր մաքսային դրույքներ:
2018-ից մինչեւ 2022 թվականը ակնկալվում է երրորդ երկրներից ներկրվող 800 ապրանքատեսակների աստիճանական աճ:
