Աշխարհում ամենահայտնի կրիպտոարժույթ բիթքոինն էժանացել է, քանի որ ներդրողների հետաքրքրությունն ավելի շատ ձգում են նոր վիրտուալ արժույթներ, հաղորդում է «ՌԻԱ Նովոստի»-ն։
CoinMarketCap պորտալի տվյալներով՝ բիթքոինը էժանացել է 6,76 տոկոսով՝ հասնելով 14,3 հազար դոլարի։ Bitfinex բորսայում կրիպտոարժույթը եւս էժանացել է 7,65 տոկոսով՝ հասնելով մինչեւ 14,1 հազար դոլարի, GDAX-ում՝ 7,46 տոկոսով՝ հասնելով մինչեւ 14,1 հազար դոլարի։ Coindesk պորտալի տվյալներով՝ հաշվի առնելով բիթքոինի դոլարային արժեքով միջին գինն աշխարհի խոշորագույն չորս կրիպտոարժույթային բորսաներում՝ բիթքոինն էժանացել է 2,58 տոկոսով՝ հասնելով մինչեւ 14,06 հազար դոլարի։
Վերջին ժամանակներս ներդրողները ավելի շատ ուշադրություն են դարձնում նոր սահմանափակ ոլորտային կիրառություն ունեցող կրիպտոարժույթներին։ Այսպես, շուկայի հետաքրքրությունը գրավել է ֆոտոսարքավորումներ արտադրող ամերիկյան Kodak ընկերության հայտարարությունը նոր լուսանկարիչների համար KodakCoin կրիպտոարժույթ եւ սեփական բլոկչեյն հարթակ թողարկելու մասին։ Ընկերության բաժնետոոմսերը սրանից հետո թանկացել է 119 տոկոսով։
Բացի այդ, համաձայն CoinMarketCap տվյալներով՝ Dentacoin կրիպտոարժույթը, որը նախատեսված է ստոմոտոլոգիական միջավայրում օգտագործման համար, երկուշաբթի հասել է 2,3 միլիարդ դոլար կապիտալիզացիայի։ Այսսպես, կրիպտոարժույթի կապիտալիզացիան հունվարի սկզբին աճել է մոտավորապես 15 անգամ։
Ինչ վերաբերում է մյուս կրիպտոարժույթներին, ապա Ethereum-ը թանկացել է 15,94 տոկոսով՝ հասնելով 1,4 հազար դոլարի, Ripple-ը նվազել է 20․1 տոկոսով՝ հասնելով 1,9 դոլարի, Bitcoin Cash-ը թանկացել է 3,5 տոկոսով՝ հասնելով 2,5 հազար դոլարի, ցույց են տալիս CoinMarketCap-ի տվյալներից։
Կրիպտոարժույթի շուկայի կապիտալիզացիան, ծառայության տվյալներով, ներկա դրությամբ կազմում է 718,9 միլիարդ դոլար, բայց բիթքոինի բաժինն ընդհանուր կրիպտոարժույթի շուկայում 33 տոկոսն է կազմում։