NASA-ն տեսանյութ է հրապարակել 360 աստիճանի ձեւաչափում, որը հնարավորություն է ընձեռում «զբոսնել» Ծիր Կաթինի կենտրոնով, փոխանցում է «ՌԻԱ Նովոստի»-ն:
Նախագիծը, որի ստեղծման համար օգտագործվել են «Չանդրա» ռենտգենյան աստղադիտարանի եւ այլ տիեզերական աստղադիտակների տվյալները, հնարավորություն է տալիս դիտորդին ինքնուրույն ուսումնասիրել հսկա աստղերը եւ մեր Գալակտիկայի կենտրոնում գտնվող Սեւ խոռոչը:
Տիեզերական գործակալության տվյալներով՝ մարդկությունը ֆիզիկապես ունակ չէ հասնել Ծիր Կաթինի կենտրոնին, եւ գիտնականները ուսումնասիրում են այս տարածքը հսկայական աստղադիտակների շնորհիվ, որոնք կարող են ընդունել ինչպես տեսանելի լույսը, այնպես էլ ռենտգենյան եւ ինֆրակարմիր ճառագայթները:
