Եվրամիությունը ակնկալում է, որ բոլոր կողմերը կշարունակեն իրականացնել համատեղ Իրանի միջուկային խնդրի լուծման հարցով Համատեղ համապարփակ գործողությունների ծրագիրը(ՀՀԳԾ): Այս մասին հայտարարել է Եվրամիության դիվանագետական ծառայության ղեկավար Ֆեդերիկա Մոգերինին Իրանի արտգործնախարար Մոհամմադ Ջավադ Զարիֆի հետ հանդիպումից հետո, հաղորդում է «ՌԻԱ Նովոստի»-ն:
Եվրոպական արտաքին քաղաքական ծառայության շտաբ կայանում տեղի ունեցած հանդիպման ժամանակ, որին մասնաակցել են նաեւ Բրիտանիայի, Գերմանիայի, Ֆրանսիայի արտաքին գործերի նախարարները՝ միջազգային միջնորդների «վեցնյակի» ներկայացուցիչները, որոնք բանակցություններ էին վարում ՀՀԳԾ-ի հարցով։
Իրանի ԱԳ նախարարի այցը Բրյուսել տեղի է ունեցել ԱՄՆ վարչակազմի ՀՀԳԾ-ի ճակատագրի հարցով որոշման նախօրեին, որը կհայտարարվի ուրբաթ։
«Միջազգային հանրության միասնությունը անհրաժեշտ է այն պայմանավորվածությունների պաշտպանության համար, որն գործում է՝ աշխարհն ավելի անվտանգ է դարձնում եւ խոչընդոտում տարածաշրջանում հնարավոր միջուկային մրցավազքին: Եվ մենք ակնկալում ենք, որ բոլոր կողմերը կշարունակեն ամբողջությամբ իրականացնել այդ համաձայնագիրը»,-ասել է Մոգերինին:
