Հռոմի Պապ Ֆրանցիսկոը Չիլի կատարած այցի շրջանակներում կհանդիպի ռազմական բռնապետության երկու զոհերի հետ եւ չի բացառում հոգեւորականների կողմից սեռական բռնության զոհերի հետ մասնավոր հանդիպումը, հաղորդում է AP-ն: Հռոմի Պապի այցը Չիլի եւ Պերու կանցկացվի հունվարի 15-21-ը:
1973-1990 թվականների Պինոչետի ռեժիմի երկու զոհերի հետ հանդիպումը տեղի կունենա հունվարի 18-ին, հյուսիսային Իկիկե քաղաքում: Վատիկանի ներկայացուցիչը մանրամասներ չի ներկայացրել` նշելով միայն, որ նրանք Ֆրանցիկսոսին նամակ կհանձնեն:
Հարցին՝ արդյոք Հռոմի Պապը կհանդիպի բռնության զոհերի հետ, նա ասել է, որ նման հանդիպում նախատեսված չէ, սակայն դա չի նշանակում, որ հնարավոր չէ՝ հավելելով, որ նման հանդիպումներն ավելի լավ է փակ դռների հետեւում անցլկացնել:
