ԱՄՆ նախագահ Դոնալդ Թրամփի վարչակազմը որոշել է զբաղվել «Հըզբոլլահով»։ ԱՄՆ արդարադատության նախարարությունը դատախազների խումբ է հավաքում հետաքննության համար, հաղորդում է «Ամերիկայի ձայնը»։
Գլխավոր դատախազ Ջեֆ Սեշնսը հայտնել է, թե հետաքննությունը կապված է «թմրանյութերի վաճառքի եւ գումարների լվացման հետ»։
Այս որոշումը կայացվել է, երբ տեղեկություններ են հայտնվել, որ Օբամայի վարչակազմը աչք է փակել «Հըզբոլլահի» հետ կապված թմրավաճառքի դեպքերի վրա, որպեսզի չխափանեն Իրանի հետ միջուկային գործարքը։
Նախագահ Թրամփն ու Կոնգրեսի հանրապետականները վաղուց էին Սեշնսին խնդրում վերանայել այդ գործը։