Հնդկական տիեզերական հետազոտությունների կազմակերպությունը (ISRO) ուրբաթ առավոտյան Անդհրա Փրադեշ նահանգի Շրիհարիկոտա կղզու տիեզերակայանից հաջողությամբ արձակել է PSLV տանող հրթիռը 31 արբանյակով, հայտնում է NDTV-ն:
Հնդկաստանից ամենախոշորը եղել է Cartosat-2 արբանյակը՝ ավելի քան 700 կգ զանգվածով, որը հեռուստաալիքի տեղեկություններով՝ մյուսների շարքում արդեն մերձերկրային ուղեծիր է դուրս բերվել: Cartosat-2-ը նախատեսված է Երկրի մակերեւույթին հետեւելու համար: Սրանից բացի, հրթիռն ուղեծիր է հասցրել մեկ միկրոարբանյակ (100 կգ) եւ մեկ նանոարբանյակ (5 կգ), որոնք Հնդկաստանում են արտադրվել, ինչպես նաեւ արտասահմանյան արտադրության 28 նանոարբանյակներ, այդ թվում՝ Կանադայից, Ֆինլանդիայից, Հարավային Կորեայից, Մեծ Բրիտանիայից եւ ԱՄՆ-ից:
Ինչպես ավելի վաղ էր հաղորդվել, հնդկական նանոարբանյակն արդեն 100-րդն է, որն այս երկիրը տիեզերք է արձակել:
