Վայրի բնության ներկայացուցիչներից շատերի համար մահացու բնական հրդեհները որոշ թռչունների համար դարձել են պարգեւ, որովհետեւ նրանք այդպիսով կարողանում են որսալ կրակի միջով փախչող կենդանիներին: Ավստրալիայի գիշատիչ թռչուններն ավելի հեռուն են գնացել՝ նրանք որոշել են չսպասել թե երբ մարդկային անփութության հետեւանքով կրակ կբռնկվի, նրանք արդեն ինքնուրույն են այդպիսի հրդեհներ կազմակերպում։
Ավստրալացի գիտնականներն ուսումնասիրել են տեղի բնիկների պատմածները` ուշադրություն դարձնելով այն փաստի վրա, որ այդտեղ շատ «հրդեհային բվեճներ» կան: Շփվելով Հյուսիսային Ավստրալիայի 12 ցեղերի ներկայացուցիչների հետ՝ գիտնականները պարզել են, որ «հրդեհային թռչուններ» աբորիգենները անվանում են սեւ ուրուրներին, սուլող ուրուրները կատաղի բազեներին, որոնք կարող են մխացող խոտը օգտագործել հրդեհ բռնկելու համար։
«Ես տեսել եմ ինչպես է մի բվեճ վերցնում մխացող փայտի կտորը եւ գցում չոր խոտերի մեջ, ապա սպասում թե երբ կհայտնվեն վախեցած կրծողներն ու սողունները: Երբ այդ տարածքը այրվում է, այս գործընթացը կրկնվում է այլ վայրերում»,-պատմել է աբորիգեններից մեկը, հաղորդում է Live Science-ը:
Ուսումնասիրությունն ղեկավարող հեղինակներից Մարկ Բոնտան հավելել է, որ սյս թռչունները օգտագործում են ոչ միայն մխացող ճյուղեր, այլ նաեւ տեղի բնակիչների խարուկներից ածուխները։