Բաքվի դատարանում տեղի է ունեցել Աղվան Մուհթարլիի գործով դատական նիստը:
ԱՊԱ-ն հայտնում է, որ պետական մեղադրողը պահանջել է ամբաստանյալին դատապարտել 8 տարվա ազատազրկման:
Մուհթարլին մեղադրվում է պետական սահմանի ապօրինի հատման եւ մաքսանենգության մեջ: Պաշտոնական վարկածով՝ նրան Պետական սահմանապահ ծառայությունները ձերբակալել են 2017 թվականի մայիսի 29-ին, ժամը 22.40-ին, Բալաքենսկի շրջանում, այն բնաից հետո, երբ նա ապօրինի անցել է ադրբեջանական սահմանը: Ձերբակալելիս Մուհթարլին ծառայության աշխատակիցներին դիմադրություն է ցույց տվել: Խուզարկությամբ նրա մոտ խոշոր չափի գումար է հայտնաբերվել: Մուհթարլիին մեղադրանք է առաջադրվել Ադրբեջանի ՔՕ սահմանի ապօրինի հատման, մաքսանենգության եւ իշխանության ներկայացուցչին դիմադրություն ցույց տալու կամ նրա նկատմամբ բռնություն կիրառելու հոդվածներով:
Փաստաբանի վարկածով՝ Մուհթարլիին Ադրբեջանի հատուկ ծառայությունները Թբիլիսիում առեւանգել են:
