Միավորված ազգերի կազմակերպության մարդու իրավունքների հարցով գերագույն հանձնակատարի գրասենյակը «կեղտոտ երկրների» մասին ԱՄՆ նախագահ Դոնալդ Թրամփի հայտարարությունները համարում է ցնցող եւ ռասիստական: Այս մասին մամուլի ասուլիսի ժամանակ հայտնել է ՄԱԿ-ի մարդու իրավունքների հարցերով գերագույն հանձնակատարի վարչության ներկայացուցիչ Ռուպերտ Քոլվիլը, փոխանցում է «ՌԻԱ Նովոստի»-ն:
ԱՄՆ նախագահի շուրթերից հնչող նման հայտարարությունները նա համարել է «ցնցող եւ խայտառակ»: «Սա նկարագրելու համար այլ բառ չկա, քան «ռասիզմ»-ը: Չի կարելի «կեղտոտ» անվանել այն երկրներն ու մայրցամաքները, որոնց բնակչությունը սպիտակ չէ եւ հետեւաբար անցանկալի է»,- ասել է նա:
Հիշեցնենք, որ ավելի վաղ ԱՄՆ նախագահ Դոնալդ Թրամփը կոնգրեսականների հետ հանդիպման ժամանակ հայտարարել էր, որ Միացյալ նահանգները «կեղտոտ խորշերից եկող» միգրանտների կարիք չունեն: