«Զվարթնոց» օդանավակայանում ժամը 14:00-ից սկսած թռիչքներն ու վայրէջքներն իրականացվում են բնականոն ռեժիմով: Այս մասին այսօր՝ հունվարի 12-ին, NEWS.am-ին հայտնեց քաղավիացիայի գլխավոր վարչության մամուլի քարտուղար Սաթենիկ Հովհաննիսյանը:
Անբավարար տեսանելիության հետեւանքով այսօր առավոտից «Զվարթնոց» օդանավակայանում վայրէջքներ չէին իրականացվում, Երեւանից թռիչքները եւս իրականացվել էին նշված ժամանակից ուշ:
Հետաձգվել էին Դուբայ-Երեւան, Մոսկվա-Երեւան, Շարժա-Երեւան, Թբիլիսի-Երեւան, Վորոնեժ-Երեւան չվերթները: