ԱՄՆ-ում Բերքլիի Լոուրենսի անվան ազգային լաբորատորիայի գիտնականները երկու երկնաքարերում ջուր եւ բարդ քիմիական միացություններ են հայտնաբերել, հաղորդում է Phys.org-ը:
Մոլորակագետների կարծիքով՝ սա վկայում է այն մասին, որ մոլորակի վրա ընկած տիեզերական մարմինները կարող էին Երկրի վրա կյանքի գոյությանը հանգեցնել:
Հետազոտողները ուսումնասիրել են 1998 թվականին Երկրի վրա ընկած երկնաքարերի ներսում աղի բյուրեղների քիմիական կազմը:
«Երկու միլիմետր չափով աղի կապույտ բյուրեղները օրգանական միացությունների եւ տարրեի պահեստ են, որոնք անհրաժեշտ են կյանքի ծագման համար», - ասում է հետազոտության հեղինակներից մեկը` Կուինի Չանը՝ նշելով, որ պատմության մեջ առաջին անգամ վերերկրյա օբյեկտում տարրերի նման համադրություն է արձանագրվել:
Գիտնականների կարծիքով՝ բյուրեղների մոլեկուլները մոտավորապես 4,5 մլրդ տարի առաջ չբացահայտված պայմաններում սինթեզվել են: Ենթադրաբար կյանքի ծագման վայրը եղել է Մարսի եւ Յուպիտերի միջեւ աստերոիդների գոտու գաճաճ Ցերերա մոլորակը:
Ուսումնասիրության հեղինակների կարծիքով, նրանց հայտնագործությունը ցույց է տալիս, որ պարզունակ կյանքը կարող էր գոյություն ունենալ Արեգակնային համակարգի այլ վայրերում, ինչպես նաեւ աստերոիդների բեկորներով այլ մոլորակներ տեղաշարժվել:
