ԱՄՆ նախագահ Դոնալդ Թրամփի կողմնակիցները փորձել են խափանել Լոնդոնի քաղաքապետ Սադիկ Հանի ելույթը եւ կոչ են արել նրան կալանավորել Մեծ Բրիտանիա ԱՄՆ առաջնորդի այցի չեղարկմանն աջակցելու համար: Այս մասին հայտնում է Sky News-ը:
Լոնդոնի քաղաքապետը մասնակցել է գենդերային հավասարության համար պայքարին նվիրված համաժողովին: Նրա ելույթի մեկնարկին ամերիկյան դրոշներով մի քանի բողոքողներ սկսել են Brexit-ի եւ Թրամփի պաշտպանությամբ կարգախոսներ բղավել: Բրիտանական լրատվամիջոցների տարածած լուսանկարներում երեւում է, թե ինչպես են տեղի ունեցողին միջամտել իրավապահները եւ կարգը խանգարողներին դահլիճից դուրս բերել, որից հետո Հանը կարողացել է իր ելույթը շարունակել:
Լոնդոնի քաղաքապետը բազմիցս հանդես է եկել Միացյալ Թագավորություն ԱՄՆ նախագահի պետական այցի իրականացման դեմ եւ պահանջել է նրա կարգավիճակի իջեցում: Ըստ որում՝ երբ հայտնի է դարձել, որ Թրամփը արդյունքում հրաժարվել է Մեծ Բրիտանիա այցելելու ծրագրից, Հանը նրան հրավիրելու երկրի վարչապետ Թերեզա Մեյի որոշումը սխալ է համարել, քանի որ նրա այցը բնակչության զանգվածային բողոքներ կառաջացներ:
Watch the moment @thefabians conference is interrupted by @realDonaldTrump supporters who are protesting against @SadiqKhan's comments about the President's UK visit #TrumpVisit pic.twitter.com/mZcpcH3gUs
— Sky News (@SkyNews) 13 января 2018 г.