Արարատի մարզի Վերին Արտաշատ գյուղի կենտրոնական փողոցում, տեղաբնակների խոսքով, Ամանորի նախաշեմին տեղի ունեցած վեճնն ավարտվել է առանձնապես ծանր հանցագործությամբ:
Տուժողն ու մեղադրվողը համագյուղացիներ են, նրանց վեճի պատճառն ավելի քան կենցաղային է՝ նախնական տվյալներով, մեքենայով իրար ճանապարհ չեն տվել, որի հետեւանքը սպանությունն է եղել:
Արտաշատի ԲԿ-ից հայտնել են, որ տուժածն իրենց մոտ է տեղափոխվել ծանր վիճակում. Որովայնի եւ կրծքավանդակի շրջանում ունեցել է կտրած-ծակած, արյունահոսող վերքեր: Բժիշկները 30 րոպե փորձել են փրկել տուժողի կյանքը, սակայն ապարդյուն, արձանագրվել է նրա մահը:
Ոստիկանների տվյալներով, վիճող կողմերը գոյւղամիջից շարժվել են դեպի Արտաշատ: Ճանապարհին նրանք կանգնել են, շարունակել են պարզաբանումները, որի ժամանակ էլ 28-ամյա Գրիգոր Իսրայելյանը դանակահարվել է:
Իրավապահների տվյալներով, դաբակահարողը դեպքի վայրից հեռացել էր սպիտակ «Նիվա»-ով, որի տերը՝ 28-ամյա Ցոլակ Ս.-ն, արդեն կալանավորվել է:
Վերջինս ներկայացրել է հանցագործոթյան գործիք դանակը: