Չեխիայի գործող նախագահ Միլոշ Զեմանը քվեարկության արդյունքների նախնական հաշվարկով հավաքել է ձայների 39.1 տոկոսը եւ փաստացի հաղթել է նախագահական ընտրությունների առաջին փուլում, հաղորդում է «ՌԻԱ Նովոստին»:
Չեխիայում նախագահական ընտրությունների առաջին փուլը տեղի է ունենում հունվարի 12-ին եւ 13-ին:
Նախագահական ընտրությունների երկրորդ փուլ բացի Զեմանից անցել է Գիտությունների Ակադեմիայի նախկին նախագահ Իյիրժի Դրագոշը՝ ձայների 26.3 տոկոսով եւ զբաղեցրել է 2-րդ տեղը: Երկրորդ փուլը տեղի կունենա հունվարի 26-27-ը:
Զեմանի օգտին առաջին փուլում, ըստ նախնական տվյալների, քվեարկել է մոտ 1.87 միլիոն մարդ, շուրջ 1.25 միլիոն մարդ քվեարկել է Դրագոշի օգտին: Գործող նախագահը հաղթել է բոլոր 13 մարզերում:
