Հունվարի 13-ին Վիեննայում զանգվածային հակակառավարական ցույց է տեղի ունեցել: Ակցիային մասնակցել է շուրջ 20 հազար մարդ, հաղորդում է DW-ն՝ վկայակոչելով Վիեննայի ոստիկանությանը եւ Twitter-ի միկրոբլոգին` նշելով, որ մասնակիցների ավելի կոնկրետ թիվը դժվար է գնահատել:
Ցույցը խաղաղ է անցել: Մասնակիցները հավաքվել են Վիեննայի արեւմտյան կայարանի մոտ գտնվող Կրիստիան Բրոդի հրապարակում եւ երթով գնացել են մինչեւ քաղաքի կենտրոն:
Ակցիային մասնակցության կոչ էր արել Offensive gegen Rechts եւ Plattform Radikale Linke ձախակողմյան կազմակերպությունները եւ փախստականների պաշտպանությամբ զբաղվող Plattform für eine menschliche Asylpolitik-ը:
Կազմակերպիչները Ավստրիայի Ժողովրդական կուսակցության եւ Ավստրիական Ազատության կուսակցության իշխող կոալիցիային ռասիստական, աջ ծայրահեղական եւ նեոֆաշիստական միտումների մեջ են մեղադրում:
