Իսրայելի զինվորականները ոչնչացրել են «ՀԱՄԱՍ» շարժման ակտիվիստների կողմից Իսրայելի հարավային շրջանների տակ փորված Գազայի հատվածը Եգիպտոսին կապող թունելը։ Այս մասին ասված է Իսրայելի պաշտպանության բանակի մամուլի ծառայության հայտարարության մեջ, հաղորդում է ՏԱՍՍ-ը։
«Սա Իսրայելի ինքնիշխանության կոպիտ խախտում է, որը վտանգում է Իսրայելի քաղաքացիների կյանքը եւ խաթարում Գազայի բնակչության համար ձեռնարկվող մարդասիրական ջանքերը»,-նշված է հայտարարության մեջ:
Սա վերջին երեք ամսվա ընթացքում Գազայի հատվածից փորված արդեն երրորդ թունելն է, որ ոչնչացվում է Իսրայելի զինվորների կողմից։ Առաջինը ոչնչացվել էր 2017 թ․ հոկտեմբերի 30-ին, երկրորդը՝ դեկտեմբերի 10-ին։
Ավելի վաղ բանակի մամուլի ծառայությունը հայտնել էր, որ իսրայելական օդուժը հունվարի 13-ին հարվածել էր Եգիպտոսի սահմանի մոտ եւ Գազայի տարածքում գտնվող «ՀԱՄԱՍ»-ի ահաբեկչական ենթակառուցվածքներին։