Իսրայելի ներքին անվտանգության նախարար Գիլադ Էրդանը հավատում է ԱՄՆ նախագահ Դոնալդ Թրամփի խոսքերին այն մասին, որ նա վերջին անգամ երկարացրել է պատժամիջոցների վերացման ռեժիմն Իրանի հետ «միջուկային համաձայնագրի» շրջանակներում, եւ ընդգծել է, որ Գերմանիան, Ֆրանսիան եւ Մեծ Բրիտանիան նույնպես ազդանշաններ են ուղարկում իրանական ռեժիմի վրա ճնշումն ուժեղացնելու իրենց պատրաստակամության մասին, հաղորդում է «ՌԻԱ Նովոստի»-ն:
«Ես միանշանակ հավատում եմ նրան (ԱՄՆ նախագահին)...Մենք նաեւ տեսնում ենք, որ եվրոպացիները սկսում են հասկանալ, որ Իրանը պետք է փոխի իր վարքագիծը...Ես կարծում եմ, որ գերմանացիները սկսում են արտահայտել իրանցիների վրա գործադրվող ճնշումն ուժեղացնելու իրենց պատրաստակամությունը: Կարծում եմ, որ այս ուղղությամբ են շարժվում նաեւ բրիտանացիները եւ ֆրանսիաները»,- ռադիոյի եթերում ասել է Էրդանը:
Իսրայելի նախարարի խոսքով՝ Իրանի գործունեությունը Սիրիայում եւ Լիբանանում, ինչպես նաեւ նրա բալիստիկ եւ միջուկային ծրագրերը կհամոզեն եվրոպական երկրներին, որ ԱՄՆ նախագահի գործողություններն արդարացված են եւ լուրջ: «Ես ենթադրում եմ, որ 120 օրվա ընթացքում, երբ նա (նախագահ Թրամփ) ստիպված կլինի որոշել, արդյոք ԱՄՆ-ն կշարունակի հավատարիմ մնալ Իրանի հետ համաձայնագրին, թե ոչ, լուրջ փոփոխություններ կլինեն»,-եզրափակել է նախարարը:
Թրամփը որոշել է երկարաձգել Իրանի պատժամիջոցների վերացման ռեժիմը
Իրանի հարցով Թրամփի որոշումից հետո ԱՄՆ-ն ակնկալում է միջազգային հանրության աջակցությունը. Հեյլի
