Ամեն տարի աշխարհում ավելի քան 215 միլիոն քրիստոնյա է հալածանքների ենթարկվում: Այս մասին ասվում է Open Doors («Բաց դռներ») միջազգային կազմակերպության զեկույցում: Իրավապաշտպան կազմակերպությունը յուրաքանչյուր տարի կազմում է այն 50 երկրների «սեւ» ցուցակը, որտեղ քրիստոնյա հավատացյալները հալածվում են, սպանվում, անձնական եւ հասարակական կյանքում խտրականության ու բռնության են ենթարկվում միայն իրենց կրոնական համոզմունքների պատճառով:
Վատիկանի ռադիոկայանին տված հարցազրույցում կազմակերպության իտալական մասնաճյուղի տնօրեն Քրիստիան Նանին նշել է, որ «նախորդ տարվա համեմատ քրիստոնյա լինելու համար սպնվածների թիվը՝ տղամարդիկ, կանայք եւ նույնիսկ երեխաներ, աճել է ավելի քան երկու անգամ»: