Google որոնողական ծառայությունը հունվարի 14-ին «Ռուսաստանի 2018-ի նախագահական ընտրություններ» արտահայտությունը որոնելիս որպես հաղթող տալիս էր գործող նախագահ Վլադիմիր Պուտինի անունը, հաղորդում է «Կոմերսանտ»-ը:
Նրա անունը եւ լուսանկարը հայտնվում էին որոնման արդյունքների աջ կողմում `տեղեկատվական բլոկում: Հայտնվում էր նաեւ «Վիքիպեդիայում» 2018 թվականի ընտրությունների մասին հոդվածի հղումը, ընդ որում, հոդվածում հաղթողի անունը չէր նշվում:
Հաղորդվում է, որ ավելի ուշ ընտրությունների հաղթողի անունը անհետացել է Google-ի որոնման արդյունքներից:
Wikimedia-ի ռուսական մասնաճյուղի գործադիր տնօրեն Ստանիսլավ Կոզլովսկին մանրամասնել է, որ Google-ի սխալը պայմանավորված է օգտատերերից մեկի կողմից հանրագիտարանում հոդվածի խմբագրման փաստով: