Եթե Հայաստանի Հանրապետության կառավարությունը նախատեսում է որեւէ նախագծ իրականացնել, ապա պետք է նաեւ համապատասխան վերահսկողություն սահմանի: Այս մասին հունվարի 15-ին լրագրողների հետ հանդիպման ժամանակ հայտարարեց «Հայաստանի կանաչների միություն» հասարակական կազմակերպության նախագահ Հակոբ Սանասարյանը:
Մասնավորապես, նրա խոսքով, Ամուլսարի ոսկու հանքավայրի շահագործման շրջանակներում մշակված աշխատանքները ոչ պատշաճ ձեւով են կազմակերպված եւ շատ հարցեր են առաջացնում: «Եթե Թեղուտ գետը, որը հոսում է Ամուլսարի կողքով, թափվում է Շնող եւ Դեբետ գետերի մեջ, ապա դրանք փաստացիորեն «մեռած» են դառնում», - բացատրեց Սանասարյանը` հավելելով, որ այս գետերի եւ Ամուլսարի մոտակայքի բնակավայրերը լուրջ վնասներ կկրեն:
Այդպես, Թեղուտ գետ հոսող արտադրողական թափոնների պատճառով ոչ միայն բերքը կարող է տուժել. դա լուրջ վնաս կհասցնի տարածաշրջանի բնապահպանությանը, այնտեղ բնակվող մարդկանց առողջությանը: Ըստ բնապահպանի՝ «Ամուլսար» ծրագրով նախատեսվում է 5 մլրդ 262 մլն դոլարի ներդրում կատարել 11 տարում: Սակայն ռեսուրսները, որ նախատեսված է արդյունահանել ոսկու հանքավայրից, չեն կարող ծածկել այս ծախսերի նույնիսկ կեսը: Ընդ որում, Ամուլսարը գրավել է նույնիսկ խոշորագույն միջազգային բանկերի եւ ներդրողների ուշադրությունը, ինչը խոսում է այն մասին, որ այստեղ ամեն ինչ այնքան էլ պարզ չէ:
«Հայաստանի կանաչների միություն» հասարակական կազմակերպության նախագահի կարծիքով՝ Ամուլսարում, ոսկուց եւ արծաթից բացի, 330 մլն տոննա ալյումին կա եւ կարող է 683 տոննա ռադիոակտիվ ուրան լինել՝ չհաշված 653 տոննա թորիումը, որն ավելի վտանգավոր է, քան ուրանը: Այս ամենը չի նշվում ընկերության գնահատականներում, որը պատրաստվում է սկսել «Ամուլսար» ոսկու հանքավայրի շահագործումը:
ՀԿ-ի ղեկավարի խոսքով՝ իրականում «Լիդիան գրուպ» ընկերությունը շատ ավելի զգալի եկամուտներ է ակնկալում է, քան հայտարարվել էր: