Աֆրիկայում՝ Լեսոթո թագավորությունում հայտնաբերվել է հինգերորդ խոշորագույն ալմաստը: Այս մասին գրում է բրիտանական Gem Diamonds ընկերության կայքը, փոխանցում է Gazeta-ն:
Ալմաստը հայտնաբերվել է Gem Diamonds-ին պատկանող Լեթսենգ ադամանդի հանքում աշխատանքների ժամանակ, նրա արժեքը գնահատվում է 40 մլն դոլար: 910 կարատանոց անգույն (D սանդղակ) քարը տիպի IIa տիպի ալմաստ է, գրեթե չի պարունակում խառնուրդներ: Նման քարերը կազմում են բնական ալմաստմերի միայն 1-2 տոկոսը:
«Այն բանից հետո, երբ Gem Diamonds-ը 2006 թ. ձեռք բերեց Լեթսենգի հանքավայրը, այնտեղ հայտնաբերվել են աշխարհի ամենահայտնի ալմաստները, այդ թվում՝ 603 կարատանոց «Լեսոթոյի խոստումը»,-ասում է գործադիր տնօրեն Քլիֆորդ Էլֆիկը: - Սակայն, բարձրորակի այս ալմաստը մինչ այժմ հայտնաբերվածներից խոշորագույնն է: Սա հիանալի ձեռքբերում է»:
Ալմաստի մասին տեղեկատվության հրապարակումից հետո ընկերության բաժնետոմսերը թանկացել են 14 տոկոսով:
