Ամերիկացի գիտնականները Մադագասկարում թզուկ լեմուրների նոր տեսակ են բացահայտել․ հաղորդում է Gazeta-ն՝ վկայակոչելով Primate Conservation ամսագրին։
Կենդանուն անվանել են Cheirogaleus grovesi՝ Գրովսա թզուկ լեմուր՝ ի պատիվ ավստրալացի կենդանաբան Քոլին Գրովսայի։ Կենդանու մարմնի երկարությունը 17 սմ է, պոչը երկարությունը՝ 28 սմ։ Ինչպես մյուս լեմուրների դեպքում՝ նա ունի մեծ աչքեր եւ ուժեղ կպչուն մատներ։ Այս լեմուրները բնակվում են կղզու հարավ-արեւելյան մասում եւ հայտանբերվել են երկու ազգային պարկերում՝ Ռանոմաֆիայում եւ Անդրինդիտրայում: Նրանք բնակվում են արեւադարձային անտառներում եւ հիմնականում սնվում են մրգերով:
Նոր բացահայտումը հնարավոր է եղել ի շնորհիվ ԴՆԹ վերլուծության։ Լեմուրի որոշ տեսակներ արտաքինով իրար շատ նման են, ուստի գենոմի վերլուծությունը կենդանիների տեսակի որոշման ամենահուսալի ձեւն է: Ուսումնասիրության ընթացքում գիտնականները համեմատել են 2014-2015 թվականներիվ հավաքված ԴՆԹ-ի նոր նմուշները: Հետազոտողները նշում են, որ մոտ ապագայում հնարավոր է հայտնաբերվեն նաեւ այլ տեսակներ: Լեմուրի շատ տեսակներ անհետացման վտանգի տակ են: Cheirogaleus grovesi-ների անվտանգության կարգավիճակը դեռեւս հայտնի չէ:
