Պերմի դպրոցի չորրորդ դասարանի աշակերտները դասի էին, երբ սառը զենքով դասասենյակ են ներխուժել 16-ամյա Լեւ Բ.-ն Եւ Ալեքսանդր Բ.-ն: Նրանք հարձակվել են ուսուցչուհու վրա եւ սկսել են դանակով հարվածներ հասցնել երեխաներին: Շուտով նրանց միջեւ ծեծկռտուք է սկսվել: Որոշ տվյալների համաձայն՝ հարձակվողներից մեկը դպրոցի նախկին աշակերտն է, երկրորդը այժմ սովորում է նույն դպրոցում:
Պերմի դպրոցում տեղի ունեցած դանակահարության հետեւանքով տուժած 10-ամյա տղայի հայրը՝ Արգիշտի Աբրոյանը, եկել էր շրջանի մանկական հիվանդանոց, որտեղ այժմ գտնվում են նրա որդին (Մենուա Աբրոյան) եւ իր դասընկերները:
«Որդիս առաջին դասարանից այս դպրոցն է հաճախում: Մեզ այն դուր էր գալիս: Որդիս ինձ պատմել է, որ մոտ 9:45-ին երկու տղա ներխուժել են դասասենյակ: Մեկը նախ վազել է դեպի ուսուցչուհին եւ հարվածել նրան դանակով, ապա անմիջապես մոտեցել է որդուս, ով հենց առաջին նստարանին է նստում, եւ դանակով վերքեր է հասցրել տղայիս գլխի հատվածում: Որդիս արագ դուրս է եկավ միջանցք, ապա՝ փողոց եւ վազել է դեպի Գագարինի պողոտայի վրա գտնվող պոլիկլինիկան: Այնտեղ բժիշկները նրան օգնություն են ցուցաբերել: Այժմ կինս եւ երեխաս հիվանդանոցում են: Ես աշխատավայրից դուրս եմ եկել, մտել եմ խանութ եւ այժմ ուտելիք եմ տանում նրանց համար»,- նշել է Արգիշտին:
