ԱՄՆ հայ դատի հանձնախմբի արեւմտյան թեւը նամակ է հղել ամերիկյան Comedy Central մալուխային ալիքի ղեկավար Քենթ Ալթերմանին՝ պահանջելով ներողություն խնդրել «կեղտոտ հայեր» արտահայտության համար, որը հնչել է հեռուստաալիքի հաղորդումներից մեկի ժամանակ:
«Հունվարի 8-ին Daily Show ծրագրում Թրեվոր Նոյը դատապարտելի եւ նվաստացուցիչ քայլ է արել՝ մեր համայնքը «կեղտոտ հայեր» կոչելով: Իսկ Daily Show-ի թիմը նաեւ ծիծաղ էր ավելացրել այդ զարհուրելի արտահայտության ժամանակ»,- նշվում է ՀԴԳ-ի նամակում:
ՀԴԳ-ն անհապաղ ներողություն և հանդիպում է պահանջել հեռուստաալիքի ղեկավարությունից:
