Վենեսուելայի իշխանությունները «ահաբեկչական բջջի» հինգ անդամների են կալանավորել, որոնք կապված են եղել ուղղաթիռի օդաչու Օսկար Պերեսի հետ: Կարակասից դուրս կատարված հրաձգության հետեւանքով զոհվել է մի քանի զինյալ, հաղորդում է Reuters-ը:
Երկուշաբթի Պերեսն արյունոտ դեմքով հայտնվել Instagram-ի գրեթե մեկ տասնյակից ավելի հոլովակներում՝ ասելով, որ շրջապատված է անվտանգության ուժերի կողմից, որոնք կրակում են նռնականետերից:
Պետական հեռուստաալիքը ներկայացրել է պաշտոնական հայտարարությունը, որտեղ նշվել է, որ բախումների ժամանակ 2 ոստիկան է մահացել, բայց Պերեսի ճակատագրի մասին չի հաղորդվել:
Ոստիկանության նախկին օդաչու Պերեսը հետախուզվում է ուղղաթիռի գողության եւ կառավարական շենքերի վրա կրակելու, ինչպես նաեւ դեկտեմբերին գողության նպատակով Ազգային գվարդիայի ստորաբաժանում ներխուժելու համար:
Հունվարի 15-ին Էլ Ջունկիտո շրջանում իշխանությունները վերջապես հայտանբերել էին Պերեսին:
«Մենք վիրավոր ենք…նրանք սպանում են մեզ»- հոլովակներից մեկում ասել է Պերեսը:
