Վրաստանի Ռուսթավի քաղաքում սպանվել է նախկին գեներալ, Ստամբուլի շուկայի ներկայիս տնօրեն Սամսոն Կութաթելաձեն: Ինչպես հաղորդում է InterpressNews-ը, նախնական տվյալներով, Քութաթելաձեն գլխին հրազենային վնասվածք է ստացել: Շուկայի վաճառողներն ասում են, որ չեն լսել կրակոցի ձայնը եւ սպանությունը, հավանաբար, կատարվել է խլացուցիչով:
Մահացածի ծանոթները եւ շուկայի սեփականատերերից մեկը ասում են, որ Սամսոն Կութաթելաձեն որեւէ մեկի հետ կոնֆլիկտ չի ունեցել, եւ նրանց համար դժվար է վարկածների մասին ասել:
2008-2012 թվականներին Կութաթելաձեն պատգամավոր է եղել: Վրաստանի առաջին ալիքի տվյալներով՝ քրեական գործը հարուցվել է «կանխամտածված սպանություն» եւ «հրազենի ապօրինի ձեռքբերում, պահում, կրում, պատրրաստում, տեղափոխում» հոդվածներով, ինչի համար 7-15 տարվա ազատազրկում է նախատեսվում: