ԱՄՆ նախագահ Դոնալդ Թրամփը Կատարին ահաբեկչության դեմ պայքարում իր ջանքերի համար շնորհակալություն է հայտնել: Այս մասին Թրամփն ասել է Կատարի էմիր Տամիմ բին Համադ Ալ Տանիի հետ հեռախոսազրույցում:
Ըստ Սպիտակ տան՝ զրույցի ընթացքում կողմերը քննարկել են անվտանգության եւ տնտեսական հարցերում ԱՄՆ եւ Կատարի միջեւ երկկողմ հարաբերությունների ամրապնդման ուղիները: Թրամփը հաստատել է ուժեղ եւ միասնական Պարսից ծոցի համագործակցության խորհրդին ԱՄՆ աջակցությունը:
Թրամփը շնորհակալություն է հայտնել Կատարի էմիրին ահաբեկչության եւ ծայրահեղականության դեմ պայքարի ջանքերի համար, այդ թվում, որպես այն քիչ երկրների, որոնք մտադիր են խթանել երկկողմ փոխըմբռնման հուշագիրը: Առաջնորդները քննարկել են այն ոլորտները, որտեղ Միացյալ Նահանգներն ու Կատարը կարող են տարածաշրջանում կայունության ապահովման, Իրանին հակազդելու եւ ահաբեկչության հաղթահարման համար գործընկերներ դառնալ:
