ԱՄՆ նախագահ Դոնալդ Թրամփը եւ Չինաստանի նախագահ Սի Ցզինպինը քննարկել են Կորեական թերակղզու իրավիճակը: Հեռախոսազրույցի ընթացքում Ցզինպինը նշել է թերակղզում լարվածության թուլացման պահպանման անհրաժեշտությունը, փոխանցում է Reuters-ը:
Երկու երկրների առաջնորդները քննարկել են երկկողմ տնտեսական եւ առեւտրային համագործակցությունը: Սի Ցզինպինը նշել է, որ «տնտեսական եւ առեւտրային համագործակցությունը 2 երկրներին զգալի օգուտ է տվել, որոնք պետք է պահպանեն այս առողջ եւ կայուն դինամիկան:
Թրամփն իր հերթին նշել է բարձր մակարդակով փոխանակումների ուղղությամբ Պեկինի հետ աշխատելու, ինչպես նաեւ առեւտրատնտեսական ոլորտում ծագած հարցերը պատշաճ կերպով լուծելու պատրաստակամության մասին, որպեսզի «հասնեն երկկողմ հարաբերությունների ավելի մեծ զարգացման»:
