Հունվարի 16-ին, ժամը 06:04-ին ահազանգ է ստացվել, որ Երեւան քաղաքի Մյասնիկյան պողոտայում տեղի է ունեցել ՃՏՊ, ավտոմեքենան ընկել է ձորակը, կան տուժածներ. անհրաժեշտ է փրկարարների օգնությունը:
Դեպքի վայր է մեկնել երկու մարտական հաշվարկ:
Պարզվել է, որ «Kia Cerato» մակնիշի ավտոմեքենան դուրս է եկել ճանապարհի երթեւեկելի հատվածից եւ հայտնվել ջրանցքում. վարորդը մահացել է, իսկ ուղեւորը հոսպիտալացվել «Հերացի» թիվ 1 հիվանդանոցային համալիր:
Ըստ Shamshyan.com-ի՝ վթարի վայրի հարեւանությամբ բնակվողներ ասել են, որ վթարի պատճառը եղել են թափառող շները. վարորդը փորձել է խույս տալ շներից եւ չի կարողացել կառավարել ավտոմեքենան։
Yerkir.am-ի տեղեկություններով՝ վթարի զոհ դարձած երիտասարդը ՀՀ ԶՈւ գլխավոր շտաբի պետի տեղակալ, գեներալ-լեյտենանտ Ստեփան Գալստյանի որդին է` Ռոբերտ Գալստյանը: