Ղազախստանի նախագահ Նուրսուլթան Նազարբաեւը ժամանել է Վաշինգթոն։ Պաշտոնական այցի ընթացքում Նազարբաեւը կհանդիպի ԱՄՆ նախագահ Դոնալդ Թրամփի, ինչպես նաեւ ԱՄՆ պաշտոնական եւ գործարար շրջանակների ներկայացուցիչների հետ: Բացի այդ, նա կմասնակցի ՄԱԿ-ի Անվտանգության խորհրդի նիստին:
«Այցի հիմնական նպատակն է՝ բարձր մակարդակով փոխադարձ շփումների ամրապնդումը, Աստանայի եւ Վաշինգթոնի միջեւ համագործակցության հետագա խորացումն ու ընդլայնումը՝ հարաբերությունները նոր մակարդակի բարձրացնելով»,–պատմել է Ղազախստանի ԱԳՆ միջազգային տեղեկատվության կոմիտեի ղեկավար Թալգաթ Ժումագուլովը, հաղորդում է «ՌԻԱ Նովոստի»–ն։
