News
Լրահոս
News
Հինգշաբթի
Հունվար 24
Տեսնել լրահոսը

«Էներգետիկայի մասին» ՀՀ օրենքում փոփոխություններ եւ լրացումներ կատարելու մասին օրինագիծն ուղղված է էլեկտրաէներգետիկական շուկայի ազատականացմանը, միջպետական առեւտրի զարգացմանը եւ սպառողների շահերի պաշտպանությանը: Այս մասին, այսօր՝ հունվարի 16-ին, ԱԺ-ում հիշյալ օրինագծի քննարկման ժամանակ նշել է նախագիծը ներկայացնող Էներգետիկ ենթակառուցվածքների եւ բնական պաշարների փոխնախարար Հայկ Հարությունյանը:

Նրա խոսքով, մինչեւ հիմա գործող մոդելը հիմնված է եղել միակ գնորդ եւ վաճառող մոդելի վրա, որի դեպքում էլեկտրաէներգիա բաշխող իրավաբանական անձին է վերապահված մեծածախ շուկայում արտադրողներից էլեկտրական էներգիա գնելու եւ այն սպառողներին վաճառելու իրավունքը. «Ընդ որում, էլեկտրաէներգետիկական շուկան կարգավորում է նաեւ էլեկտրաէներգիայի ներկրումն ու արտահանումը: Զարգացած երկրներում այս շուկան արդեն իսկ ազատականացված է»:

Հայկ Հարությունյանը նշեց, որ ներկայիս էլեկտրաէներգետիկական շուկան հենվում է միայն էլէներգիայի արտադրության եւ սպառման ծավալների կանխատեսման վրա եւ շուկայի մասնակիցների համար չի սահմանվում պատասխանատվություն՝ այդ ծավալների շեղումների դեպքում. «Արդյունքում կանխատեսված եւ փաստացի ծավալների տարբերության պատճառով առաջացած ռիսկերը հավասարակշռում են սպառողների առաքվող էլեկտրաէներգիայի սակագների միջոցով: Այս օրենքի ընդունմամբ ակնկալվող արդյունքն է՝ անցում էլեկտրաէներգիայի ժամային առեւտրի՝ որպես էլեկտրաէներգետիկական համակարգի աշխատանքի արդյունավետությունը բարձրացնող մեխանիզմի, էլեկտրաէներգետիկական համակարգում տնտեսական կարգավորման իրականացումը շուկայի մասնակիցներից առաջարկի եւ պահանջարկի հայտերի հիման վրա, շուկայի մասնակիցների համար անհատական պատասխանատվության ներդրումը կանխատեսվող եւ փաստացի ծավալների տարբերության դեպքում առաջացող ռիսկերը հավասարակշռելու համար, նաեւ ներդրողների համար գրավիչ պայմանների ստեղծումը: Այս փոփոխությունները միտված են շուկայում միակ գնորդ-վաճառող մոդելից ազատական մոդելի անցմամբ՝ ապահովելով շուկայի օպերատորի ստեղծումը, համակարգի օպերատորի շրջանակի ընդլայնումը, խոշոր ներդրողների մուտքը շուկա»,- նշել է նա:

Հայկ Հարությունյանը վստահեցրեց, որ արտադրող կայաններին տրված գնման երաշխիքները այս փոփոխությամբ չեն վերանայվում, անգամ ամրապնդվում են. «Մենք շուկայում ունենալու ենք երաշխավորված մատակարար՝ ՀԷՑ-ը, որն ապահովելու է շուկայում կարգավորման հատվածի մատակարարումը 100 տոկոս կարգավորվող գներով, մոտավորապես այն մոդելով, որը հիմա ունենք»:

Ինչ վերաբերում է սակագներին, փոխնախարարն ասաց, որ միանգամից շուկան չեն ազատականացնում, որ բոլոր էլեկտրաէներգիա արտադրողները ինչ գնով ուզեն, վաճառեն: «Մենք ունենալու ենք կարգավորված, հաշվեկշռային շուկա, որտեղ շուկայի փոքր ու միջին սպառողները շարունակելու են օգտվել երաշխավորված մատակարարումից: Մեզ մոտ բոլոր սակագները ֆիքսվում են ՀԾԿՀ-ի կողմից»,-ընդգծեց Հայկ Հարությունյանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Գազպրոմն» Ադրբեջանում ներկայացուցչությունն է բացել
Ընկերության պաշտոնական ներկայացուցիչը ՌԴ քաղաքացի Մաքսուտ Անդերժանովն է...
Հայաստանը պայմանավորվել է «Գազպրոմի» հետ՝ գազի ներքին սակագինը պահպանելու շուրջ. Փաշինյան
Հայաստանի վարչապետ Նիկոլ Փաշինյանը հայտարարել է, որ երկրի իշխանությունները...
Նավթի գներն աճում են
Մարտի առաքման համար Brent-տեսակի ֆյուչերսներն աճել․․․
Վրաստանը եւ «Գազպրոմը» երկու շաբաթվա ընթացքում կպայմանավորվեն Հայաստան գազի տարանցման շուրջ
Արդյունքները կհրապարակվեն նոր պայմանների քննարկումից հետո...
«Իմ քայլը». Աշխատակիցների հնարավոր կրճատումը «Գազպրոմ Արմենիա» ընկերության գործն ու իրավունքն է
«Գազպրոմ Արմենիայի» եւ իշխանությունների միջեւ բանակցությունները շարունակվում են...
ԵՏՄ վարչապետները փետրվարի 1-ին կքննարկեն միությունում գազի փոխադրման գնագոյացումը
Այս հարցը փետրվարի 1-ին կքննարկվի վարչապետների մակարդակով․․․
Ֆոտոռեպորտաժներ