News
Լրահոս
News
Հինգշաբթի
Հունվար 24
Տեսնել լրահոսը

Էլեկտրաէներգետիկ շուկայի ազատականացման արդյունքում կլինի երաշխավորված մատակարար՝ ՀԷՑ-ը, ու եթե որեւէ մեկը չի ուզում այլ մատակարարից էլէկտրաէներգիա գնել, կա երաշխավորված մատակարար, որը միշտ կարող է կարգավորվող գներով ապահովել էլեկտրաէներգիայով: Այս մասին, այսօր՝ հունվարի 16-ին, ԱԺ-ում հիշյալ օրինագծի քննարկման ժամանակ նշել է նախագիծը ներկայացնող Էներգետիկ ենթակառուցվածքների եւ բնական պաշարների փոխնախարար Հայկ Հարությունյանը:

Նրա խոսքով, այլընտրանքային մատակարարները պետք է ձգտեն ավելի լավ պայմաններով էլեկտրաէներգիա վաճառել՝ ներկրելով ինքնավար կայաններից. «Այսինքն կլինի այլընտրանքային մատակարար, եւ կլինի երաշխավորված մատակարար՝ ՀԷՑ-ը: Կլինի մեծածախ առեւտրով զբաղվող ընկերություն, որը ավելի ժողովրդական լեզվով ասած թրեյդերներն են: Այսինքն չի լինելու առանձին ներկրման եւ առանձին արտահանման լիցենզիա: Միաժամանակ, լիցենզիայի գինն էլ 5 մլն դրամից նվազեցնում ենք 1 մլն-ի»,-ասաց փոխնախարարը:

Ըստ Հայկ Հարությունյանի, լինելու է ուղիղ պայմանագրերի շուկա արդեն խոշոր սպառողների համար, որոնք կկարողանան ուղիղ պայմանագրերով էլեկտրաէներգիա գնել, եւ օգտվել ՀԷՑ-ի միայն բաշխիչ ֆունկցիայից. «ՀԷՑ-ն ունենալու է մատակարարման սակագին եւ բաշխման սակագին: Բաշխման սակագինը էլեկտրաէներգիան Ա կետից Բ կետ տեղափոխելու համար է, իսկ մատակարարման սակագինը՝ արդեն իր վաճառքի գոծառույթների բոլոր ծախսերն են՝ լույսի մարդիկ, հաշվառման համակարգերը եւ այլն»:

Հայկ Հարությունյանը վստահություն հայտնեց, որ մրցունակությունը բերելու է արդյունավետության բարձրացման:

ԱԺ փոխնախագահ, «Ծառուկյան» դաշինքի պատգամավոր Միքայել Մելքումյանն իր խոսքում նկատեց, որ խորհրդայիան տարիներին Հայաստանն արտադրել է 17 մլրդ կվտ էլեկտրաէներգիա, հիմա 7 մլրդ: Այն ժամանակ ամենամեծ սպառողը եղել է արդյունաբերությունը, ոչ թե բնակչությունը: «Եթե մեր տեղական սպառումն այդքան մեծ չէ, ապա հիմնական աճը գալու է արտահանման հաշվին: Մենք կարո՞ղ ենք վստահ լինել, որ սպառում ենք գտնելու հարեւան երկրներում, որ հարեւան երկրներում ավելի էժան էլեկտրաէներգիա չեն արտադրելու, քան մեզ մոտ»:

Ի պատասխան Հայկ Հարությունյանն ասաց, որ 2017 թվականին սպառման ավելացումը հիմնականում եղել է արդյունաբերության հաշվին. «Հարեւան երկրներում մենք վստահ ենք, որ ունենք էլէներգիայի վաճառքի շուկա: Միաժամանակ գիտակցում ենք, որ դա անսահմանափակ չէ, հետեւաբար, որոշակի լիզորություններ ենք վերապահում կառավարությանը՝ կանխատեսել շուկաները»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Նավթի համաշխարհային գները սակարկությունների ընթացքում նվազում են
WTI տեսակի նավթի մարտյան ֆյուչերսները նվազել են 0,36 տոկոսով` մեկ բարելի դիմաց կազմելով 52,43 դոլար…
«Գազպրոմն» Ադրբեջանում ներկայացուցչությունն է բացել
Ընկերության պաշտոնական ներկայացուցիչը ՌԴ քաղաքացի Մաքսուտ Անդերժանովն է...
Հայաստանը պայմանավորվել է «Գազպրոմի» հետ՝ գազի ներքին սակագինը պահպանելու շուրջ. Փաշինյան
Հայաստանի վարչապետ Նիկոլ Փաշինյանը հայտարարել է, որ երկրի իշխանությունները...
Նավթի գներն աճում են
Մարտի առաքման համար Brent-տեսակի ֆյուչերսներն աճել․․․
Վրաստանը եւ «Գազպրոմը» երկու շաբաթվա ընթացքում կպայմանավորվեն Հայաստան գազի տարանցման շուրջ
Արդյունքները կհրապարակվեն նոր պայմանների քննարկումից հետո...
«Իմ քայլը». Աշխատակիցների հնարավոր կրճատումը «Գազպրոմ Արմենիա» ընկերության գործն ու իրավունքն է
«Գազպրոմ Արմենիայի» եւ իշխանությունների միջեւ բանակցությունները շարունակվում են...
Ֆոտոռեպորտաժներ