Հայաստանի Հանրապետության կառավարությունը պետք է հաշվի առնի այն փաստը, որ իրականում, չնայած տնտեսական աճի պաշտոնական ցուցանիշներին, քաղաքացիների կենսապայմանները վատթարացել են, ինչը, իր հերթին, հանգեցրել է երկրից արտագաղթի աճին: Այս մասին հունվարի 16-ին լրագրողների հետ հանդիպման ժամանակ հայտարարեց «Տեղեկացված եւ պաշտպանված սպառող» հասարակական կազմակերպության նախագահ, տնտեսագետ Բաբկեն Պիպոյանը:
Փորձագետը նշեց, որ, ՀՀ կառավարության պաշտոնական տվյալներով եւ Ազգային վիճակագրական ծառայության հաշվարկներով, անցյալ տարի Հայաստանում գնաճը կազմել է ընդամենը 0.8 տոկոս, իսկ տնտեսական աճը՝ 7 տոկոս: «Թվում է, թե նման ցուցանիշներից հետո մարդիկ պետք է ուրախությունից ծափ տային, նրանց կենսապայմանները պետք է բարելավվեին: Չէ որ տնտեսական աճի տեմպերը զգալիորեն գերազանցել են գնաճի տեմպերին, ինչը չափազանց հազվադեպ է տեղի ունենում», - ասաց Պիպոյանը՝ հավելելով, որ այնպիսի երկրներում, ինչպիսին Հայաստանն է, գնաճի բնական մակարդակը կկազմեր 3-4 տոկոս: Սա, իր հերթին, կնպաստեր տնտեսական աճի դադարեցմանն ու իրական տնտեսական ակտիվության կհանգեցներ: Այսինքն, ըստ փորձագետի, տնտեսության զարգացման տեսանկյունից 0.8 տոկոս գնաճը այդքան էլ դրական ցուցանիշ չէ:
Տնտեսագետի կարծիքով՝ ամբողջ խնդիրն այն է, որ 0.8 տոկոսանոց գնաճը հիմնականում ձեւավորվում է 500 տեսակի արտադրանքի շնորհիվ, որոնց զգալի մասը իրական կյանքում քչերն են օգտագործում: Այսպիսով, խոսքը այնպիսի հանքանյութերի մասին է, ինչպիսիք են մոլիբդենը, պղինձը եւ նույնիսկ փղի ոսկորը:
Միեւնույն ժամանակ, քաղաքացիների կողմից գրեթե ամեն օր օգտագործվող արտադրանքի իրավիճակը բոլորովին այլ է: Մասնավորապես, գրանցվել է նվազագույն սպառողական զամբյուղում ներառված ապրանքների գների աճը: «Միայն հացը թանկացել է 0.6 տոկոսով: Մյուս մթերքները թանկացել են 8.5 տոկոսից սկսած՝ հասնելով մինչեւ 30 տոկոսի», - բացատրեց հասարակական կազմակերպության ղեկավարը՝ հիշեցնելով, որ ձկների գինը, օրինակ, աճել է 28.5 տոկոսով:
Բացի այդ, փորձագետը նաեւ նշեց այն ապրանքները, որոնք քաղաքացիների նվազագույն սպառողական զամբյուղի մաս չեն կազմում, բայց հաճախ են օգտագործվում: Տնտեսագետը շեշտեց, որ անցյալ տարի, չնայած համաշխարհային շուկայում կաթնամթերքի եւ կաթնային հումքի գների նվազմանը, Հայաստանում գրանցվել է գների աճ, ինչը հանգեցրել է գրեթե կաթնամթերքի բոլոր տեսակների գների բարձրացմանը: Սա վերաբերում է նաեւ կարագին, որի գինը, ըստ Ազգային վիճակագրական ծառայության տվյալների, աճել է 40 տոկոսով, ընդ որւմ, իրականում այս թվերը նվազեցված են եւ չեն արտացոլում իրական վիճակը: Այս ամենը, ըստ տնտեսագետի, հանգեցրել է երկրից արտագաղթել ցանկացող մարդկանց թվի աճին:
Ըստ Բաբկեն Պիպոյանի՝ այս ամենի պատճառն այն է, որ ՀՀ կառավարությունը բիզնեսի գործունեության վերահսկողության մեխանիզմներ չի մշակել: Սա հանգեցրել է նրան, որ շուկայում գները սահմանվում են հենց բիզնեսի կողմից, իսկ պետությունը չունի իրական ցանկություն եւ մեխանիզմներ դրան հակադարձելու համար, քանի որ կառավարությունը նախկինում հայտարարել էր, որ գնաճային գործընթացներում որեւէ սարսափելի բան չկա:
