Ռուսաստանի եւ Իրանի արտգործնախարարներ Սերգեյ Լավրովը եւ Մոհամմադ Ջավադ Զարիֆը հեռախոսով քննարկել են արդիական միջազգային խնդիրներ:
Ռուսաստանի ԱԳՆ մամուլի ծառայությունից հայտնել են, որ հիմնվելով մերձկասպյան պետությունների արտաքին գործերի նախարարների հանդիպման որոշման վրա՝ Լավրովը եւ Զարիֆը քննարկել են առաջիկա 5-րդ Կասպյան գագաթնաժողովում Կասպից ծովի իրավական կարգավիճակի մասին կոնվենցիայի ստորագրման նախապատրաստական աշխատանքների ընթացքը:
Կողմերը նաեւ մտքեր են փոխանակել մի շարք արդիական միջազգային խնդիրների, մասնավորապես` Սոչիում ընթացող սիրիական կարգավորման հարցով Սիրիայի ազգային երկխոսության համագումարի շուրջ, ինչպես նաեւ քննարկել Իրանի միջուկային ծրագրի հարցով Գործողությունների համատեղ համապարփակ պլանի շուրջ ստեղծված իրավիճակը: