Մոտ 12 հազար մարդ է տարհանվել Ֆիլիպիններում Մայոն հրաբխից մագմայի արտահոսքի պատճառով, հաղորդում է «Սինհուա»-ն։
Ֆիլիպինների հրաբխագիտության եւ սեյսմոլոգիայի ինստիտուտը հրապարակել է մի լուսանկար, որում երեւում է, որ Մայոն հրաբխի խառնարանը կարմիր է, եւ դրանից մագմա է դուրս գալիս:
Ֆիլիպինների բնական աղետների հետեւանքների վերացման ազգային հանձնաժողովը հայտարարել է, որ շուրջ 12 հազար մարդ է տարհանվել Ալբայ պրովինցիայի երեք շրջաններից, որտեղ եւ գտնվում է հրաբուխը: Տարածքային վարչությունը հրաման է արձակել տուժած շրջանների բոլոր դպրոցներին դադարեցնել պարապմունքները: Մի քանի դպրոցներ էլ օգտագործվելու են որպես տարհանման կենտրոններ:
Ֆիլիպինների մայրաքաղաք Մանիլայից 330 կմ հեռավորության վրա գտնվող Մայոն հրաբուխը հունվարի 13-ին սկսել էր ակտիվացման նշաններ ցույց տալ: Կիրակի երեկոյան Ֆիլիպինների հրաբխագիտության եւ սեյսմոլոգիայի ինստիտուտը վտանգի մակարդակը «երկրորդից»-ից «երրորդ»-ի է բարձրացրել՝ կապված Մայոն հրաբխային ժայթքման հավանականություն հետ: