Պերմի դպրոցում ծեծկռտուքի հետեւանքով աչքի վնասվածք ստացած չորրորդ դասարանցուն Մոսկվա կուղարկեն բժշկական հետազոտություն անցնելու, հաղորդում է «Ինտերֆաքս»-ը։
Նման որոշում մանկական շրջանային կլինիկական հիվանդանոցի բժիշկներն ընդունել են Մոսկվայի Գելմգոլցի անվան աչքի հիվանդությունների գիտահետազոտական ինստիտուտի գործընկերների հետ տեսակոնֆերանսից հետո: Բժիշկները քննարկել են աչքի վնասվածք ստացած երեխայի բուժման առավել օպտիմալ մեթոդները, մարտավարությունը: Բժիշկները որոշել են տուժածին ուղարկել Մոսկվայի գիտահետազոտական ինստիտուտ՝ երկրի լավագույն մասնագետների մոտ։
Առողջապահության նախարարության տվյալներով՝ մնացած 8 աշակերտները, որոնց վիճակը գնահատվում է միջին ծանր, գտնվում են հիվանդանոցում: Տուժած ուսուցիչը գտնվում է 4-րդ քաղաքային կլինիկական հիվանդանոցում՝ ծանր վիճակում՝ թոքերի արհեստական օդափոխմամբ, սակայն դրական դինամիկա չի նկատվում:
Երկուշաբթի առավոտյան Պերմում թիվ 127 դպրոցում երկու պատանիների միջեւ ծեծկռտուքի հետեւանքով 15 մարդ էր տուժել, նրանցից 12-ը հոսպիտալացվել էին, եւս երեք հոգեբանական տրավմա էին ստացել: Նշենք, որ զոհերի թվում էր 10-ամյա Մենուա Աբրոյանը: Տուժած երեխաների տարիքը տատանվում է 10-ից 12 տարեկանի միջեւ։
Դեպքի առթիվ հարուցվել է քրեական գործ։
Պերմի դպրոցից տեսանյութ է հրապարակվել
Հրապարակվել է Պերմի դպրոցում վիրավորվածների ցուցակը. Վիրավորներից մեկը Մենուա Աբրոյանն է
