Երեւանում ռուսաստանի դեսպանության դիմաց ակցիա է տեղի ունենում, որի մի մոտ 2 տասնյակ մասնակիցներն իրենց շնորհակալություն են հայտնում Ռուսաստանին՝ Սիրիայում խաղաղության հաստատմանը նպաստելու համար:
Նրանք նամակ էին պատրաստել ուղղված ՌԴ դեսպանությանը, որում մասնավորապես, ասվում է.
«Սիրիայի ուսանողների միության Հայաստանում սովորող սիրիացի ուսանողների անունից խորին շնորհակալությունն ենք հայտնում Սիրիայի նախագահին, բանակին, Սիրիայի ժողովրդին եւ բոլոր նրանց, որոնք պաշտպան կանգնեցին սիրիական ժողովրդին՝ գնահատելով նրանց՝ ահաբեկչական գործողություններին դիմակայելու կամքը:
Այսօր հավաքվել ենք շնորհակալության խոսք հղելու ՌԴ նախագահ պատվարժան Վլադիմիր Պուտինին, ռուս ժողովրդին, որը պատմության ընթացքում ունեցել է հատուկ հարաբերություններ Սիրիայի ժողովրդի հետ:
Այս ժամանակահատվածում Մոսկվան կանգնեց Դամասկոսի կողքին՝ դե դիվանագիտական ճակատում, թե պատերազմի դաշտում՝ պայքարելով միջազգային ահաբեկչության դեմ:
Հայտնում ենք մեր խորին շնորհակալությունը մեր բարեկամ Ռուսաստանի Դաշնությանը՝ Սիրիայի հանդեպ շարունակական աջակցության համար:
Կեցցեք Դուք, կեցցե հաղթող Սիրիան»:
ՌԴ դեսպանությունից դուրս եկավ Դեսպանության խորհրդական Ալեքսանդր Վասիլեւ եւ ընդունեց նամակը: Նա նշեց, որ անպայման կփոխանցի նամակը Ռուսաստանի բարձրագույն ղեկավարությանը: