Տաքսի ծառայությունների ոլորտում առկա մրցակցությունը թույլ չի տալիս բարձրացնել ուղեվարձերը, քանի որ դա կարող է դրդել քաղաքացիներին տրանսպորտի ավելի էժան այլընտրանքային տեսակներ ընտրել: Այս մասին հունվարի 16-ին լրագրողների հետ հանդիպման ժամանակ հայտարարեց «Տեղեկացված եւ պաշտպանված սպառող» հասարակական կազմակերպության նախագահ, տնտեսագետ Բաբկեն Պիպոյանը:
Նրա խոսքով՝ հանրապետությունում տաքսու վարորդների թիվը ավելացել է, եւ նրանք լավ հասկանում են, որ ուղեվարձի բարձրացումը կարող է պարզապես հանգեցնել մարդկանց՝ տաքսի ծառայություններից հրաժարվելուն: «Այսինքն, տաքսու վարորդները հասկանում են, որ եթե գները բարձրացնեն, նրանց շահույթը չի բարձրանա, եւ նույնիսկ հակառակը` կնվազի»,- ասաց Պիպոյանը՝ հավելելով, որ քաղաքացիները հնարավորություն չունեն ավելի շատ վճարել կոնկրոտ այս ծառայության համար, հատկապես, երբ կա քաղաքային տրանսպորտ:
Միեւնույն ժամանակ, ինչպես նշեց փորձագետը, մատչելի տաքսի ծառայությունների առկայությունը այդքան էլ դրական չէ, ինչպես կարող է թվալ առաջին հայացքից, քանի որ եթե տաքսին էժան է, ապա քաղաքացիները գումար չեն խնայի եւ ավելի քիչ կօգտվեն հասարակական տրանսպորտից: Սակայն դա ձեռտնու է տաքսու վարորդներին, բայց ոչ հասարակական տրանսպորտի ոլորտում աշխատող մարդկանց, եւ նույնիսկ՝ ուղեւորներին:
